И. Раззаков атындагы КМТУнун Эл аралык логистика жогорку мектеби экинчи эл аралык көргөзмө BIEXPO — “KyrgyzTransLogistic 2025” иш-чарасына катышты.
2025-жылдын 28–30-октябрында Бишкек шаарында экинчи эл аралык BIEXPO — “KyrgyzTransLogistic 2025” көргөзмөсү болуп өттү. Иш-чарага 6 өлкөдөн жана 45тен ашык компаниядан өкүлдөр катышып, транспорт, логистика жана инфраструктура тармактары чогулду.
И. Раззаков атындагы КМТУнун Эл аралык логистика жогорку мектеби көргөзмөдө жогорку билим берүү системасын көрсөткөн жалгыз окуу жай болуп, бул маанилүү эл аралык иш-чаранын активдүү катышуучусу болду.
Көргөзмөнүн расмий ачылыш аземи Кыргыз Республикасынын Экономика жана коммерция министрлигинин, Транспорт жана байланыш министрлигинин, Жүк ташуучулар ассоциациясынын, ошондой эле көргөзмөнүн директору В.А. Линовицкийдин катышуусунда өттү.
Символикалык кызыл лентаны кесүү укугу Эл аралык логистика жогорку мектебинин директору А.С. Уметалиевге ыйгарылып, ал министрликтердин жана уюштуруучулардын өкүлдөрү менен бирге көргөзмөгө расмий түрдө старт берди.
Мектептин стендинде VR технологиялары, логистика боюнча интерактивдүү оюн жана викторина, ошондой эле бакалавр, магистр жана докторлук программалар боюнча маалымат көрсөтүлдү. Коноктордун өзгөчө көңүлүн төмөнкү эл аралык долбоорлор бурду:
Көргөзмөнүн алкагында Венгриянын профессорлору транспорттук системаларды санариптештирүү жана туруктуу өнүктүрүү боюнча заманбап ыкмалар тууралуу доклад жасашты.
Көргөзмөнүн акыркы күнүндө “Логистика” билим берүү программасынын окутуучулары, докторанттары, магистранттары жана студенттери өз изилдөөлөрүн сунуштап, жогорку деңгээлдеги кесипкөйлүгүн жана илимий активдүүлүгүн көрсөтүштү.
Эл аралык логистика жогорку мектебинин BIEXPO 2025 көргөзмөсүнө катышуусу — бул окуу жайдын транспорт жана логистика тармагына кадрларды даярдоодогу лидерлигин, эл аралык кызматташтыкты чыңдоодогу жана инновациялык билим берүү технологияларын жайылтуудагы маанилүү ролун дагы бир жолу айкын тастыктады.
