И. Раззаков атындагы Кыргыз мамлекеттик техникалык университетинин Эл аралык жогорку логистика мектебинин «Логистика» багыты боюнча 3-курс студенттери Pannonia долбоорунун алкагында академиялык мобилдүүлүк программасы боюнча Мишкольц университетине (Мишкольц шаары, Венгрия) окууга жөнөтүлгөн.
Окуу 2025-жылдын 1-сентябрынан 2026-жылдын 31-январына чейин 5-күзгү семестрдин алкагында өттү. Программанын катышуучулары: Нурлан Гаппаров, Чыңгыз Батырканов, Улукбек Кайыпбеков, Тилек Райымбеков жана Уалихан Башкеев. Семестрдин жүрүшүндө студенттер эл аралык логистика, жеткирүү чынжырларын башкаруу, транспорттук системалар жана логистикадагы санариптик технологиялар боюнча билим алышты. Окутуу англис тилинде жүргүзүлдү.
Окуу программасын ийгиликтүү өздөштүрүү менен катар студенттер кабыл алуучу университеттин коомдук жана маданий жашоосуна активдүү катышышты.
14-октябрда алар Эл аралык маданий кечки тамак иш-чарасына катышып, Кыргызстандын улуттук ашканасын жана маданий мурасын тааныштырышты. Иш-чарага дүйнөнүн 38 өлкөсүнөн 150дөн ашуун студент катышты. Добуш берүүнүн жыйынтыгы боюнча КМТУнун командасы 1-орунду ээледи.
Мындан тышкары, студент Уалихан Башкеев Мишкольц университетинде өткөрүлгөн расмий студенттик иш-чаранын алкагында уюштурулган «Балдын падышасы – 2025» сынагында 1-орунду алды.
Pannonia долбоорунун алкагындагы ийгиликтүү окуу жана эл аралык иш-чаралардагы активдүү катышуу университеттин эл аралык аброюн бекемдөөгө чоң салым кошот.
