Тышкы иштер министрлигинин жана ФАОнун лидерлери көмүртекти бөлүп алуу долбоорун ишке ашырууну талкуулашты

23-04-2021
41

23-апрелде Тышкы иштер министри Руслан Казакбаев БУУнун Азык-түлүк жана айыл чарба уюмунун (ФАО) башкы директорунун орун басары Владимир Рахманин менен жолугушту.

КР Тышкы иштер министрлигинин басма сөз кызматы билдиргендей, ФАОнун Жашыл Климат Фондусу (GCF) менен биргеликте "Кыргыз Республикасындагы токойлорго жана жайыттарга инвестицияларды тартуу менен көмүртек секвестрлөө" биргелешкен долбоорун баштоо маселеси каралууда. 49,9 миллион доллардын тегерегинде талкууланды.

Рахманин ФАО жана Кыргыз Республикасынын өкмөтү чоң иштерди жасагандыгын жана долбоорду ишке киргизүү үчүн бир катар укуктук маселелер чечиле тургандыгын айтты.

Казакбаев эки тарап тең бул маселе боюнча бири-биринин позицияларын жана мүмкүнчүлүктөрүн түшүнүүгө жетишкендигин белгиледи. Ушундан улам, маселени Кыргыз Республикасынын улуттук мыйзамдарына ылайык чечүүнүн өз ара алгылыктуу вариантын табуунун маанилүүлүгү белгиленди.

Кыргыз тарап ФАОго 2022-жылды БУУда Эл аралык Тоолор жылы деп жарыялоо жана анын алкагында экинчи Бишкек Дүйнөлүк Тоо саммитин өткөрүү демилгесин жайылтуу ниети жөнүндө маалымдады. Казакбаев бул демилгени жайылтууда Кыргыз Республикасын колдоону өтүндү.

Мындан тышкары, жолугушуунун жүрүшүндө ФАО менен Кыргызстандын кызматташтыгынын бир катар жалпы маселелери талкууланды. Тактап айтканда, министр ФАОнун долбоордук ишмердүүлүгүнүн алкагында Кыргызстандын өнүмдөрүнүн эл аралык географиялык көрсөткүчтөргө киргизилиши менен кыргыз продукцияларынын уникалдуулугунун концепциясын жайылтуу мүмкүнчүлүгүн карап чыгууну сунуш кылды.